समाधान संवाददाता, पोखरा

गण्डकी प्रदेशमा थप ११ जनामा कोरोना पुष्टि भएको छ । नवलपुरका ६ र कास्कीका ५ जनामा मंगलबार बिहान पोजेटिभ देखिएको प्रदेश स्वास्थ्य निर्देशक विनोदविन्दु शर्माले जानकारी दिए ।

योसहित गण्डकीमा कोरोना संक्रमितको संख्या २६ सय १२ पुगेको छ । तीमध्ये १७ सय ९७ जना निको भएका छन् ।

काठमाडौंमा मृत्यु भएकी कास्कीको अन्नपूर्ण गाउँपालिका १ की ६३ वर्षीया महिलालाई समेत संक्रमितको संख्यामा जोडिएको निर्देशक शर्माले बताए ।

ती महिलाको काठमाडौंको छाउनीस्थित वीरेन्द्र अस्पतालमा मृत्यु भएको हो । ब्रेन ट्युमर र मृगौलाको समस्या भएकी उनमा १९ भदौमा कोरोना पुष्टि भएको थियो ।

कास्कीका ६, गोरखाका ४, तनहुँका ३, स्याङ्जा र नवलपुरका २र२, म्याग्दी, लमजुङ र बागलुङका १र१ संक्रमितको मृत्यु भएको छ ।