समाधान संवाददाता, पोखरा

पोखरामा लागूऔषधसहित १ जना पक्राउ परेका छन् ।

अन्नपूर्ण गाउँपालिका १० घान्द्रुकका २० वर्षे प्रकाश विक बुधबार पक्राउ परेका हुन् ।

पक्राउ परेका प्रकाश रामबजार बस्दै आएका छन् ।

इलाका प्रहरी कार्यालय, बगरबाट खटिएको टोलीले उनलाई राति साढे १ बजे नदिपुरबाट पक्राउ गरेको हो ।

उनको साथबाट ६ सय ५० ग्राम गाँजा फेला परेको थियो ।

उनलाई प्रहरीले निलो प्लास्टिकमा गाँजा हालेर बाटोमा हिँडिरहेको अवस्थामा पक्राउ गरिएको जिल्ला प्रहरी कार्यालय कास्कीका प्रवक्ता डिएसपी सुवास हमालले बताए ।

उनीमाथि लागू औषध नियन्त्रण ऐन, २०३३ विपरीतको कसूर अन्तर्गत १८ दिन म्याद थप गरी थप अनुसन्धान भइरहेको डिएसपी हमालले जानकारी दिए ।