समाधान संवाददाता, पोखरा

पोखरा महानगरपालिका १ बगरमा क्रियाशील भीमकाली क्बलले दशकपछि सेभेन ए साइड फुटबल प्रतियोगितामा उपाधि जितेको छ ।

सत्य युवा क्लब बाँझापाटनले आयोजना गरेको ‘प्रथम बि–१३ खुला सेभेन ए साइड’ फुटबल प्रतियोगितामा संगम क्लबलाई हराउँदै भीमकालीले उपाधि रक्षा गरेको हो ।

माछापोखरी खेलमैदानमा आइतबार भएको फाइनल खेलमा भीमकालीले संगमलाई ३–१ गोल अन्तरले पराजित गरेको थियो ।

भीमकालीको जीतमा समीर कार्की, जोर्डन गुरुङ र अतिरिक्त गुरुङ सुमित श्रेष्ठले समान १ गोलको योगदान दिए । संगमको तर्फबाट क्षितीज जिटीले सान्त्वना १ गोल फर्काए ।

भिमकालीका जोर्डन गुरुङ म्यान अफ द म्याच घोषित हँुदै ५ हजारसहित पुरस्कृत बने । च्याम्पियन बनेको भीमकालीले सिल्ड, मेडल तथा प्रमाणपत्रसहित नगद १ लाख ३५ हजार प्राप्त ग¥यो भने उपविजेता संगमले सिल्ड, मेडल तथा प्रमाणपत्रसहित ८५ हजार हात पा¥यो ।

प्रतियोगिताबाट सर्वाेत्कृष्ट खेलाडीका रुपमा भीमकालीका समीर कार्की ट्रफीसहित नगद ७ हजारबाट पुरस्कृत बने ।

विधागततर्फ उत्कृष्ट गोलरक्षकका रुपमा सोही क्लबका करण गुरुङ, उत्कृष्ट डिफेन्डरका भीमकालीकै कप्तान अञ्जन देवकोटा, उत्कृष्ट प्रशिक्षक सुमन गुरुङ घोषित हुँदै जनही ५ हजार प्राप्त गरे । उत्कृष्ट मिडफिल्डर भने संगमका टंक गुरुङ बने ।

उपाधि जितेसँगै भीमकाली क्लबले पुनरागमन थालेको क्लबका सल्लाहकार प्रकाश गुरुङले बताए ।