जोमसोम—

मुस्ताङमा मिलिनियम च्यालेन्ज कर्पोरेशन ( एमसीसी )विरुद्ध सांकेतिक विरोध प्रर्दशन गरिएको छ ।हाम्रो नेपाल,हामी नेपालीका केन्द्रिय सदस्य एवं एनआर एन यूकेका सल्लाहकार सामाजिक अभियान्ता तेज थकालीको नेतृत्वमा सांकेतिक विरोध प्रर्दशन गरिएको हो ।

अमेरिकाले नेपाल माथि एमसीसी संसदबाट अनुमोदन गर्न लगातार दबाव दिईरहेको र नेपालमा पनि यस बिषयमा बहश पैरवी भईरहेका बेला मुस्ताङमा सांकेतिक बिरोध प्रर्दशन गरिएको हो ।मुस्ताङको घरपझोङ गाउपालिका—३ स्याङको झोनाधाङ पार्कमा बुधबार केन्द्रिय सदस्य एवं सामाजिक अभियान्ता तेज थकालीसहित एक दर्जन बढी युवाहरुले एमसीसी नेपालको हितमा नरहेको भन्दै सांकेतिक विरोध प्रर्दशन गरेका थिए ।

घरपझोङ —३ स्याङको जनकल्याण युवा क्लवका सदस्यहरुको उपस्थिती रहेको सांकेतिक विरोध प्रर्दशनका क्रममा सहभागी युवाहरुलाई सेतो टिसर्टमा कालो अक्षरले लेखिएको ‘नो एमसीसी ’ टिसर्ट बितरण गरिएको थियो । सांकेतिक विरोध प्रर्दशनका क्रममा युवाहरुले मुस्ताङबाट पनि एमसीसी बिरुद्ध आवाज उठाउन आह्वान गरे ।सो क्रममा हाम्रो नेपाल,हामी नेपालीका सामाजिक अभियान्ता तेज थकालीले एमसीसी नेपालको हितमा नरहेको भन्दै युवाहरुलाई सचेत रहन सुझाए ।

सामाजिक अभियान्ता थकालीले अमेरिकी महत्वकांक्षी आर्थिक लगानीको रुपमा रहेको एमसीसीले देशलाई बर्वादीको दिशातर्फ उन्मुख गराउने दावी गरे । उनले अमेरिकाले नेपाली भुमी प्रयोग गरी चिन बिरोधी गतिविधि गर्न र मुस्ताङको युरोनियम खानी दोहन गर्न एमसीसी परियोजना ल्याएको उल्लेख गरे ।

‘परियोजनाको ७७ पृष्ठ लामो कार्ययोजनामा कतिपय बुदाहरुले नेपालको राष्ट्रियता अखण्डता र स्वाभिमानमा आघात पुग्ने शर्तहरु उल्लेख छन् ,सामाजिक अभियान्ता थकालीले भने,’एमसीसी सर्वप्रथम ल्याउनै हुँदैन ,ल्याउन परे थुप्रै बुदाँ सशोधन हुनैपर्छ ।’