एजेन्सी

आमाको कोखमा नौ महिनासम्म संगै बसेर जन्मिएका दुई सन्तानको बाबु फरक फरक हुन्छन भनेर कसैले भन्यो भने कसले विश्वास गर्लार ? तर यो संसारमा यस्तो अचम्म पनि हुने रहेछ । चीनको झियामेन सहरमा एक महिलाले यस्ता दुई जुम्ल्याहा सन्तानलाई जन्माइन्, जसका पिता अलग अलग छन् । बच्चा जन्मिएपछि डीएनए टेस्टमा यस्तो कुरा खुलासा भएको हो ।

बावुआमा बनेको उक्त जोडी जब आफ्ना सन्तानको नाम प्रहरीकहाँ दर्ता गराउन गए । त्यो बेला डिएनए टेष्ट गर्दा दुइ बालको डिएनए रिपोर्ट फरक फरक निस्कियो । त्यसपछि सोधपुछ गर्दा महिलाले आफ्नो गल्ती स्वीकार गरिन् ।

सँगै जन्मिएका दुई सन्तानको भिन्न अनुहार देखिएपछि बावुले शंका गर्दै यसबारे चासो देखाए । फलस्वरुप प्रहरीकहाँ डीएनए टेस्टसँगै महिलालाई सोधियो । महिलाले भने सुरुमा जवाफ दिएकी थिइनन् । पछि डीएनए रिपोर्ट आएपछि आफूले फरक दुई पुरुषसँग सम्बन्ध राखेको स्वीकार गरेकी थिइन् ।

यससँगै उक्त दम्पत्तिले पाएको जुम्ल्याहा सन्तानको बारेमा चीन र विदेशमा समेत समाचार बनेको छ । अन्तर्राष्ट्रिय मिडियाले यस घटनालाई एक अनौठो समाचारको रुपमा सन्प्रेषण गरेका छन् ।
तस्विर साभार अन्नपूर्णपोष्ट डटकमबाट