पोखरा स्पोटर्स अवार्डको तयारी भेला

समाधान संवाददाता २०७९ जेठ २९ गते १३:१६

पोखरा ।
छैटौं संस्करणको ‘पोखरा स्पोटर्स’अवार्ड २०७८’ को तयारी सुरु भएको छ । आगामी असार १८ गते शनिबार हुने तय भएको अवार्ड कार्यक्रमको तयारी स्वरुप शनिबार आयोजक खेलकुद पत्रकार मञ्च गण्डकीमा आवद्ध सदस्यहरुको भेला आयोजना गरियो । नेपाल पत्रकार महासंघ कास्कीको हलमा आयोजित भेलाका सहभागीले अवार्ड कार्यक्रमलाई व्यस्थित बनाउदै विगतका वर्षहरुको भन्दा थप आर्कषक बनाउनुपर्ने सुझाव दिए ।

भेलाले अवार्ड कार्यक्रमलाई भव्य बनाउन सह–संयोजक तथा विभिन्न उपसमिति चयन गरेको छ । जसअनुसार मञ्चका अध्यक्ष दीननाथ बराल संयोजक रहेको मूलआयोजक समितिको सह–संयोजकमा उपाध्यक्ष सुरज श्रेष्ठलाई चयन गरियो । मञ्चका पूर्व अध्यक्ष विनोद लामिछानेको अध्यक्षतामा प्रतिभा छनोट समिति गठन गर्ने निर्णय भेलाले गरेको छ । समितिको सह–संयोजकमा सन्देश श्रेष्ठ, सदस्यमा विजय नेपाल र पदेन सदस्यमा मञ्च अध्यक्ष दीननाथ बराल र महासचिव राजाराम पौडेल छन् । उत्कृष्ट खेल पत्रकार छनोट समितिको संयोजकमा नेपाल पत्रकार महासंघका केन्द्रीय सदस्य त्रिभुवन पौडेललाई चयन गरिएको छ ।

उपसमितिको सदस्यमा नेपाल पत्रकार महासंघ कास्की अध्यक्ष विमला भण्डारी र सन्देश श्रेष्ठ छन् । मञ्चका संस्थापक अध्यक्ष रामकृष्ण ज्ञवालीको संयोजकत्वमा अतिथि सत्कार उपसमिति गठन गरिएको छ । वैदेशिक समन्वय उपसमितिको संयोजकमा पूर्व अध्यक्ष केशव पाठक र सह–संयोजकमा सुदर्शन रञ्जित तथा सदस्यमा उमेश पुन चयन भएका छन् । मञ्चका कोषाध्यक्ष कविता घर्तीमगरको संयोजकत्वमा आर्थिक व्यवस्थापन उपसमिति निर्माण गरिएको छ । जसको सह–संयोजकमा एमबी आस्था मगर र सदस्यमा शशिकुमार पौडेल तोकिएका छन् ।

Advertisement

संघसंस्था समन्वय उपसमिति संयोजकमा मञ्चका कार्यसमिति सदस्य नारायण शाही तथा सह–संयोजकमा राजु गिरी चयन भएका छन् । प्रचार समितिको संयोजकमा मञ्चका महासचिव राजाराम पौडेल र सह–संयोजकमा मञ्चका सचिव शशिकुमार पौडेललाई चयन गरियो । कार्यक्रम व्यवस्थापन समितिको संयोजकमा मन क्षेत्री तोकिए । यसैगरी सदस्यमा उमा आले मगर र लक्ष्मी जिसी रहेका छन् । भिडिओ तथा फोटो व्यवस्थापन उपसमितिको संयोजकमा उमेश पुन तथा सह–संयोजकमा दीपक मुल्मी चयन भए । केही उपसमिति छिट्टै गठन गरिने र उपसमितिलाई पुर्णता दिने जिम्मा संयोजकलाई दिइएको अध्यक्ष बरालले बताए ।

नेपाल खेलकुद पत्रकार मञ्च गण्डकीका अध्यक्ष दीननाथ बरालको अध्यक्षतामा भएको भेलाको सञ्चालन महासचिव राजाराम पौडेलले गरेका थिए । विश्व खेलकुद पत्रकार दिवसको अवसर पारेर पोखरा सभागृह हलमा हुने पोखरा स्पोटर्स अवार्ड कार्यक्रम मार्फत मञ्चले लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उदीयमान खेलाडी, उत्कृष्ट प्रशिक्षक, उत्कृष्ट खेल संघ र उत्कृष्ट खेल पत्रकारलाई अवार्ड वितरण गर्नेछ ।

Advertisement

तपाईको प्रतिक्रिया