लेखनाथ ।
सुकम्बासी समाधान आयोग कास्कीले भूमिहीन सुकम्बासी, भूमिहीन दलित र अव्यवस्थित बसोबास गर्दै आएका तर यस पूर्व निवेदन दिनबाट छुटेकालाई निवेदन दिनका लागि आह्वान गरेको छ ।

आयोगले सूचना प्रकाशन गरी गत वर्ष संकलन गरिएका निवेदन सुरक्षित रहेकाले उक्त समयमा निवेदन दिन छुटेका व्यक्तिहरुले असार ४ गतेसम्म आफ्ना आवस्यक कागज पत्र सहित सम्बन्धित वडामा निवेदन दिन सकिने बताएको छ ।

यसै विच पोखरा महानगरपालिका वडा नम्बर २७ ले जनप्रतिनिधिहरुको हेल्प डेस्क नै खडा गरी राष्ट्रिय भूमि आयोगको निर्देशन अनुसार छुट भएका उपभोक्ताहरुको निवेदन संकलन गरिरहेको र निवेदनका आधारमा सुकम्बासी समस्याका बारेमा सम्बन्धित निकायमा दबाब दिने योजना बनाएको वडाअध्यक्ष पूर्णकुमार गुरुङले जानकारी दिएका छन् ।