पोखरा ।
राष्ट्रिय संगीतकर्मी संघ कास्कीको तेस्रो साधारण सभा तथा दोस्रो अधिवेशनले ऋषिराम दाहालको अध्यक्षतामा नयाँ समिति चुनेको छ । समितिको वरिष्ठ उपाध्यक्षमा सागर कार्की, प्रथम उपाध्यक्ष कल्याणी अधिकारी, द्वितीय उपाध्यक्ष जौमाया हिताङ, उपाध्यक्ष कपिल श्रेष्ठ, सचिव सुनील गायक, प्रवक्ता ईश्वरराज भण्डारी, कोषाध्यक्ष राजन सुवेदी, सहसचिव रिजोन बस्ताकोटी र सह कोषाध्यक्षमा हरिराज कोइराला छन् ।

सदस्यमा सपना सुनार, सोनिया कार्की खत्री, ऋषिराम बास्तोला बाबुराम, सृजना श्रेष्ठ र गंगा परियार छन् । कार्यक्रममा प्रथम उपाध्यक्ष कल्याणी अधिकारी, उपाध्यक्ष सागर कार्की, सहसचिव राजन सुवेदी एवं पत्रकार राजाराम पौडेललाई सम्मान गरियो ।
कार्यक्रममा राष्ट्रिय संगीतकर्मी संघ अध्यक्ष विक्रमजंग शाहले अरुले संस्था कसरी चलाएका छन् भन्दा पनि आफूले कसरी संस्था चलाउनेतर्फ सोच्न आग्रह गरे । संस्थाका अध्यक्ष ऋषिराम दाहालको अध्यक्षतामा भएको कार्यक्रममा प्रदेश अध्यक्ष कृष्णप्रसाद गौतम, सल्लाहकार छवि सुवेदी, नेपाल पत्रकार महासंघ कास्की उपाध्यक्ष रामप्रसाद तिमिल्सिना लगायतले बोलेका थिए ।