पोखरा ।
पोखरा २८ माझठानामा रहेको रत्नशोभा माध्यमिक विद्यालय व्यवस्थापन समितिको अध्यक्षमा शुकदेव लामिछाने चुनिएका छन् । लामिछाने सोही विद्यालयका पूर्वशिक्षक हुन् । समितिको सदस्यमा मुना लामिछाने, रामकृष्ण भुर्तेल, हुकुम भुजेल, सन्तोष बास्तोला, शिक्षक प्रतिनिधि यदुनाथ पाण्डे र सदस्य सचिव विद्यालयका प्रधानाध्यापक गोपालबहादुर बुढाथोकी छन् ।

ज्येष्ठ सदस्य शुकदेव लामिछानेको अध्यक्षतामा बसेको बैठकले लामिछानेलाई अध्यक्षमा सर्वसम्मत चुनेको हो । बैठकले हिमलाल आचार्यलाई सदस्यमा मनोनित गरेको छ । नवनिर्वाचित अध्यक्ष लामिछानेले सबै सदस्यको सल्लाह, अभिभावकको सुझाव र विद्यालय प्रशासनसँग समन्वय गरी काम गर्ने प्रतिवद्धता गरे ।

नयाँ समितिलाई पोखरा २८ का वडाध्यक्ष श्रीकृष्ण लामिछानेले शुभकामना दिए । उनले नयाँ समितिलाई समय सापेक्ष गुणस्तरीय शिक्षा प्रदान गर्ने वातावरण बनाउन आग्रह गरे ।