समाधान संवाददाता

आठौं राष्ट्रिय खेलकुद प्रतियोगितामा गण्डकी प्रदेशले पहिलो स्वर्ण पदक जितेको छ । पुरुष इभेन्ट स्क्वासमा अमृत थापाले स्वर्ण जित्दा प्रदेश ३ का प्रवीण कंसाकारले रजत पदकमा चित्त बुझाए ।

थापाले ११–५, ३–११, ११–७, ११–४ अंकको सेटले पराजित गर्दै गण्डकी प्रदेशलाई स्वर्ण जिताएका हुन् । केही समय अघि पोखरामा भएको छनोट खेलबाट गोरखाका थापा गण्डकी प्रदेशबाट छनोट भएको पश्च्मिाञ्चल क्षेत्रीय खेलकुद विकास समितिका अध्यक्ष सम्पन्न श्रेष्ठले जानकारी दिए । नेपालगञ्जमा भएको ८ औं राष्ट्रिय खेलमा पुरुष खुलातर्फबाट प्रतिस्पर्धा गरेका थिए ।

उनी यसअघि ५ औं राष्ट्रिय खेलकुद, ७ औँ राष्ट्रिय खेलकुद प्रतियोगिता लुम्बिनी च्याम्पायनसिप लगायत प्रतियोगितामा भाग लिएका थिए । चैत २७ गतेदेखि ८ औं राष्ट्रिय खेलकुद प्रतियोगिता अनौपचारिक रुपमा सुरु भएको थियो । प्रतियोगिता २०७६ वैशाख ११ गतेसम्म चल्नेछ ।