पोखरा ।

हिमाल कलेज अफ म्यानेजमेन्टमा कक्षा ११ मा नयाँ भर्ना हुन आएका विद्यार्थीलाई स्वागत गरिएको छ । शुक्रबार एक कार्यक्रमकाबिच उनीहरुलाई स्वागत गरिएको हो ।

हालै एसईई सकाएर कक्षा ११ मा भर्ना हुन आएका विद्यार्थीहरुलाई कक्षा १२ का विद्यार्थीहरुले स्वागत गरेका हुन् । कार्यक्रमको सन्चालन कक्षा कक्षा १२ मा अध्ययनरत मञ्जु घर्ति, अभिषेक नेपाली, कृपा घलेले गरेका थिए । यस्तै सदिक्षा चापागाईंले स्वागत मन्तव्य राखेकी थिइन् ।

कार्यक्रममा शुभकामना मन्त्व्य मिडिया कोर्डिनेटर जनक पौडेलले राखेका थिए भनेनव आगनन्तुक विद्यार्थीलाई ओरियन्टेसन कलेजका इन्चार्ज मणिप्रसाद डुम्रेले राखेका थिए । कार्यक्रम कलेजबारे क्याम्पस प्रमखु हरि कार्कीले प्रकाश पारेका थिए ।

कार्यक्रमको अध्यक्षता कक्षा १२ आरती भण्डारीले गरेकी थिइन् । कक्षा ११ बाट रितु भण्डारीले स्वागतका लागि धन्यवाद ज्ञापन गरिन् । कलेजको नीति अनुशासनबारे अनुशासन प्रमुख चेतनाथ भण्डारीले प्रष्ट पारेका थिए ।

कार्यक्रममा कक्षा ११ र १२ का गरि २५० विद्यार्थी सहभागी थिए। कक्षा ११ मा १ सय २० जना विद्यार्थी नयाँ भर्ना हुन आएका छन् ।