पोखरा ।
पोखरा महानगरपालिका वडा नम्बर २६ अर्घौंचोकमा साउन २ गते एनएमबी बैंकको एटिएम फोडेर पैसा चोर्ने एक जनालाई कास्की प्रहरीले पक्राउ गरेको छ । प्रहरीका अनुसार पक्राउ पर्ने अनिश तामाङ हुन् । गण्डकी प्रदेश प्रहरी र कास्की प्रहरीको संयूक्त टोलीले लेखनाथबाट तामाङलाई पक्राउ गरेको हो ।

एटिएम फोडेको भिडियो यति बेला सामाजिक सञ्जालमा भाइरल छ । एनएमबी बैंकले एटिएमबाट १४ लाख ७१ हजार पाँचसय रुपैयाँ हराएको प्रहरीलाई बताएका थियो । तामाङलाई जिल्ला प्रहरी कार्यालय कास्कीले आइतबार पत्रकार सम्मेलन गरेर सार्वजनिक गर्ने जिल्ला प्रहरी कार्यालय कास्कीका डिएसपी सुन्दर तिवारीले बताए । ‘बिचमा सार्वजनिक बिदा भएकाले जिल्ला अदालतबाट म्याद थपको काम बाँकी रह्यो । भोली म्याद थप गरेर सार्वजनिक गर्छौं,’ तिवारीले भने ।