पोखरा ।
मुक्तिनाथ क्षेत्र प्रवेशको मुख्य प्रवेश द्वारको रुपमा पोखरा क्षेत्रलाई धार्मिक पर्यटनको हबका रूपमा विकास गर्न सकिने प्रशस्त सम्भावना रहेकोस्वामी कमलनयनाचार्य महाराजले बताएका छन् । पोखरा महानगरपालिकाका प्रमुख धनराज आचार्यसँगको भेटघाट तथा छलफलमा उले पोखरा र आसपासको पेरिफेरीलाई मुक्तिनाथ प्रवेश द्वारका रूपमा आध्यत्मिक पर्यटनको विकास गर्न सकिने प्रचूर सम्भावना रहेको औंल्याए ।

कालिगण्डकीमा पाइने शिला शालिग्रामको संरक्षणमा जोड दिँदै उनले सिंगो मुलुकलाई पर्यटकीय र देव देशको पवित्र भूमिका रूपमा विकास गर्नुपर्ने बताए । जल सम्पदा संरक्षण तथा गौ रक्षाका लागि समेत उपयुक्त योजना आवश्यक हुने उनको भनाइ छ ।

पोखरा महानगरपालिकाका प्रमुख आचार्यले मुक्ति क्षेत्र समेतको प्रवद्र्धनसहित समग्र धार्मिक पर्यटनको विकासका लागि एकीकृत गुरुयोजना बनिरहेको जनाए । व्यवस्थित योजनाका साथ परिणाममुखी काम आवश्यक रहेकोमा जोड दिँदै प्रमुख आचार्यले मुक्ति क्षेत्र प्रवेशद्वार निर्माणका लागि सरोकारवालासँग आवश्यक समन्वय गर्ने प्रतिबद्धता जाहेर गरे ।

भारतीय प्रधानमन्त्री नरेन्द्र मोदीको मुक्तिनाथ भ्रमणपछि त्यस क्षेत्रमा भारतीय पर्यटक बढेको भन्दै आचार्यले यसको गुणात्मक वृद्धिका साथै पर्यटकको बसाई लम्ब्याउनका लागि थप आकर्षण तथा सुविधायुक्त पूर्वाधार आवश्यक पर्ने जनाए ।