लेखानाथ ।
नेवा खल लेखनाथले आयोजना गरेको तायाः मचा नृत्य प्रतियोगितामा समाज कल्याण नेवा खल राजाको चौतारा प्रथम भएको छ । नेवारी समुदायको भाषा र संस्कृति रक्षा गर्न संस्थाले हरेक वर्ष प्रतियोगिता गर्ने गरेको छ ।

लेखनाथमा रहेका ८ नेवारी समुदायले पालैपालो प्रतियोगिता गर्दै आएका छन् । यस पटक पोखरा २६ र २७ को अर्घौ पौवा नेवा खलले पाँचौं संस्करणको प्रतियोगिता शुक्रबार आयोजन गरेको हो । मिलीजुली नेवाः खल बागमारा दोस्रो, गणेश नेवा खल गगनगौडा तेस्रो र शिशुवा नेवाः खल शिशुवा सान्त्वना भए ।

प्रथम हुने समूहलाई ३० हजार, द्वितीयलाई २५ हजार, तृतीयलाई २० हजार दिइएको छ । उत्कृष्ट जोकर र परीलाई जनही २ हजार पुरस्कारको व्यवस्था गरिएको आयोजक नेवाः खल अर्घौ अध्यक्ष प्रकाशलाल श्रेष्ठले जानकारी दिए ।