जोमसोम ।
बेनी जोमसोम सडकका सुपरभाइजर ईन्द्रसिंह शेरचन सम्मानित भएका छन् । अन्नपूर्ण गाउँपालिका ३ दाना म्याग्दीले बुधबार शेरचनलाई सम्मान गरेको हो ।

अन्नपूर्ण गाउँपालिका अन्तर्गतका सडक मर्मत सम्भार, अलपत्र परेका यात्रुलाई उद्धार एवं घामपानी, बाढीपहिरो, दिनरात नभनी यात्रुलाई सघाउन खटिने शेरचनलाई वडाध्यक्ष रमेश पुर्जा र वडासचिव अमृत नेपालीले सम्मान गरे । बेनी–जोमसोमसडकमा हुने असहज परिस्थितिको निरन्तर सूचना प्रवाह गरी सामाजिक भूमिका निर्वाह गरेवापत उनलाई सम्मान गरिएको वडाध्यक्ष पुर्जाले बताए ।

यसअघि शेरचनलाई थकाली सेवा समिति नेपालको १३ औं अधिवेशनमा विशेष सम्मान गरेको हो । शेरचन मुस्ताङी हुन् । उनी व्यवसायका क्रममा म्याग्दीको दानामा बस्छन् । मुस्ताङको सानुसरे पहाडमा तारा एअरको जहाज दुर्घटना हुँदा माउन्टेन रेस्क्यु टोलीसँगै उनी पनि उद्धारमा खटिएका थिए ।