पोखरा ।
नेपाल रेडक्रस सोसाइटी कास्कीको आयोजना तथा पोखरा २६ उपशाखा, युवा रेडक्रस सर्कल को व्यवस्थापनमा ४ दिने आधारभूत प्राथमिक उपचार तालिम आयोजना गरिएको छ । कार्यक्रममा पोखरा २६ का वडाध्यक्ष नरेन्द्र थापाले तालिमले महिलाको क्षमता विकासमा मद्दत पुग्ने बताए ।

कार्यक्रममा साबिक लेखनाथ उपशाखा र रूपा क्षेत्रका २४ महिला सहभागी छन् । नेपाल रेडक्रस सोसाइटी पोखरा २६ का सभापति शैलेन्द्रमोहन भट्टराईको अध्यक्षतामा भएको कार्यक्रममा कास्की शाखाकी उपमन्त्री उर्मिला खड्का, कार्यक्रमका तालिम संयोजक राजेश घिमिरे, उपशाखाका पूर्व सभापति नरभुपाल पौडेल, युवा सर्कलका अध्यक्ष विकास रानाभाट, उपशाखाकी सहकोषाध्यक्ष दुर्गा तिमिल्सिना लगायतले बोलेका थिए ।