पोखरा ।
विश्व पर्यटन दिवसको अवसरमा पर्यटकीय स्थलको खोजी गर्न पदयात्रा गरिएको छ । मंगलबार पोखरा महानगरपालिका वडा नम्बर १३ ट्रेकिङ एजेन्सीज एशोशिएसन अफ नेपाल टान, पश्चिमाञ्चल क्षेत्रीय संघ पोखरा र एनआरएन गैह्र आवासीय नेपाली संघको संयुक्त आयोजनामा पदयात्रा भएको हो ।

पदयात्राको उदघाटन गैह्र आवासीय संघका अध्यक्ष रविना थापाले गरेकी थिइन् । पदयात्रामा विभिन्न संघसंस्था तथा नागरिक समाजका प्रतिनिधि गरी कूल २ सय जनाको सहभागी थियो ।

पदयात्राले महानगर भित्र रहेको पर्यटकीय स्थलको खोजी गर्न सहयोग गरेको पोखरा महानगरपालिका वडा नम्बर १३ का वडाध्यक्ष किरण बरालले बताए । यसरी आफ्नो क्षेत्रमा लुकेर रहेको स्थलको खोजी गर्नेलाई सबैले सहयोग गर्न पनि उनले आग्रह गरे ।