पोखरा ।
जय बराह बचत तथा ऋण सहकारी संस्थाको ८ औं वार्षिक साधारण सभा भएको छ । साधारण सभाको उत्घाटन गर्दै गाउँपालिकाका उपाध्यक्ष सीता अधिकारीले सहकारीले पैसा बचत गर्न सिकाएको र यसबाट धेरै शेयर सदस्यले फाइदा लिएको बताइन् ।

स्वागत भनाई राख्दै संस्थाका उपाध्यक्ष बासुदेब अधिकारीले स्थापना कालको तुलनामा वर्तमान अवस्थामा सहकारीको विकास र आकारमा परिर्वतन भएको बताए । एक वर्षभित्रमा शेयर सदस्य २०० भन्दा माथी पुर्‍याउने लक्ष्य रहेको बताए ।
वडाध्यक्ष टेकनाथ गौतमले धेरै सहकारीहरु शिक्षा, सञ्चालन ज्ञान र तरिका नहुँदा धरापमा परेका छन्, त्यसबाट सिकेर सहि तरिकाले संस्था सञ्चालन गर्नुपर्ने बताए । सहकारीको शेयर सदस्य बन्ने र संस्थालाई वडाको तर्फबाट साथ सहयोग गर्ने समेत उत्घोष गरे ।

संस्थाको अध्यक्षमा उमानाथ अधिकारी, उपाध्यक्षमा बासुदेब अधिकारी, सचिवमा उपेन्द्र अधिकारी, कोषाध्यक्षमा खिमलाल गौतम, र सदस्यमा पबित्रा दाहाल, केदारनाथ अधिकारी, बलराम अधिकारी, कृष्णप्रसाद अधिकारी, कपिलमणि अधिकारी छन्, भने लेखा समितिमा नबीनराज अधिकारी, एल. डी अधिकारी, सरस्वती अधिकारी रहेका छन् ।

संस्थाले गरेको प्रगति र राम्रो कामको प्रसंसा गर्दै रेडक्रस सोसाइटी धिताल शाखाका सभापती बिष्णुप्रसाद गौतम, संस्थाका सस्थापक अध्यक्ष काशीराम अधिकारी, पार्वती देवकोटा अधिकारीले आफ्नो धारणा राखे ।

कार्यक्रमको अध्यक्षता संस्थाका अध्यक्ष उमानाथ अधिकारीले गरेका थिए, भने कार्यक्रम सञ्चालन संस्थाका सचिव उपेन्द्र अधिकारीले गरेका थिए ।