पोखरा ।
पोखराको गैह्रापाटनमा रहको प्राइम सहकारी संस्था लिमिटेडको १३ औं वार्षिक साधारणसभा शनिबार भएको छ । कार्यक्रममा सहकारी रजिस्ट्रार कार्यालय गण्डकीका रमेश घर्तीले प्राइम सहकारीले राम्रो कारोबार गरेको बताए । उनले सहकारीलाई उत्पादनतर्फ लैजानुपर्नेमा जोड दिए ।

राष्ट्रिय सहकारी बैंकका शाखा प्रमुख नरेश पाण्डेले सहकारीको महत्वको बारेमा प्रकाश पारेका थिए । कार्यक्रममा नेफ्स्कुन फिल्ड कार्यालयका इन्चार्ज यमकला पौडेल, निवर्तमान अध्यक्ष निदेशप्रसाद कोइराला, मिडिया उपसमिति सदस्य सञ्जयकुमार मल्ल लगायतले बोलेका थिए ।

सहकारीले २ लाख ९७ हजारको अक्षयकोषको स्थापना गरेको छ । उक्त अक्षयकोष संस्थाका जेष्ठ सदसय थमबहादुर गुरुङ र चन्द्रकुमारी गुरुङले स्थापना गरेका हुन् । सहकारीले वर्षभरी कार्यालयमै आएर कारोबार गर्ने सदस्यमध्ये गोलाप्रथाद्वारा उत्कृष्ट कारोबार गर्नेलाई सम्मान गरेको छ ।

सहकारीले सल्लाहकार एवं पोखरा उद्योग बाणिज्य संघका अध्यक्ष पवनकुमार प्रजापतिलाई समेत सम्मान गरेको छ । साधरण सभाले सञ्चालक समितिमा रिक्त कोषध्यक्ष पदमा बाँकी अवधिको लागि सन्दीप अर्याललाई चयन गरेको छ ।