लेखनाथ ।
रोटरी क्लब अफ लेखनाथले तरकारीमा आत्मनिर्भर गराउने उद्धेश्यले किसान केन्द्रित कार्यक्रम अन्तरगत किसानलाई विउ वितरण गरेको छ । पोखरा महानगर पालिका वडा नम्बर २६ का किसानहरुलाई हिउँदे तरकारीको विउ बिजन सहयोग गरेको हो ।

कृषि सञ्जाल पोखरा २६ को सहकार्यमा पोखरा महानगरपालिका वडा नम्बर २६ का अध्यक्ष नरेन्द्र थापाले कृषकहरुलाई गुणस्तरीय तरकारीको विउ वितरण गरेका हुन् ।

वडाअध्यक्ष थापाले रोटरी क्लव अफ लेखनाथले किसान केन्द्रित कार्यक्रम मार्फत स्वदेशमा नै तरकारी उत्पादन गरि आयतलाई निरुत्साहीत गर्नुपर्ने धारणा राखेका थिए ।

रोटरी क्लब अफ लेखनाथका अध्यक्ष अम्बिका मोहन भट्टराईको अध्यक्षतामा भएको कार्यक्रममा स्वागत दीपेन्द्र भन्डारीले गरेका थिए भने कार्यक्रम संचालन सचिव सन्तोष गुरुङले गरेका थिए ।