लेखनाथ ।
अर्घौं कृषि सहकारीले १३ औं स्थापना दिवसको अवसरमा पोखरा २७ डाँडाको नाक स्थित श्रीकृष्ण प्रणामी वृन्दावन धाम तथा बाल आश्रममा खाद्यान्न सहयोग गरेको हो । सहकारीले सामाजिक दायित्व अन्तर्गत आश्रममा आश्रित बालबालिकाका लागि नून, तेल, चामल, आलु लगायतका खाद्यान्न प्रदान गरेको हो ।

पोखरा २७ का वडाध्यक्ष पूर्णकुमार गुरुङले खाद्यान्न हस्तान्तरण गरे । उने अनाथ असहायको सेवा गर्नु सबैको दायित्व भएको जनाए । वडाध्यक्ष गुरुङले सहकारीमा रहेका साना साना पुँजीलाई एकीकृत गर्न सकेमा विकासको क्षेत्रमा ठूलो फड्को मार्न सकिने औंल्याए । आश्रमका अध्यक्ष श्री १०८ स्वामी विष्णु वशिष्ठ महाराजले सहकारीले गरेको सहयोगप्रति आभार प्रकट गरे ।

संस्थाका अध्यक्ष कलाधर पाण्डेको अध्यक्षतामा भएको कार्यक्रममा उपाध्यक्ष पार्वती सिक्देल भटृराई, सल्लाहकार मित्रलाल तिमिल्सिना, कार्यक्रमका संयोजक प्रभाकुमारी पौडेल, संस्थापक अध्यक्ष विष्णुप्रसाद पौडेल, सञ्चालक सदस्य मीना घर्ती र सचिव हरि लामिछानेले बोलेका थिए ।