पोखरा ।
पोखरा महानगरपालिका वडा नं ३२ लामेआहालस्थित राधाकृष्ण गुरुकुल संस्कृत विद्यालयमा नयाँ विद्यालय व्यवस्थापन समिति चयन भएको छ ।

नरेन्द्रप्रसाद रेग्मीको अध्यक्षतामा गठित समितिका सदस्यमा माधवशरण वाग्ले, घनश्याम खनाल, केशवराज पौडेल, प्रतीक्षा तिमल्सिना, सम्झना पौडेल र विष्णुबहादुर बस्नेत छन् ।

समितिका पदेन सदस्यमा वडाध्यक्ष अक्कलबहादुर कार्की र सदस्य सचिवमा प्रधानाध्यापक प्रकाश रेग्मी छन् ।

आध्यात्मिक जागरणसहित निम्बार्क सम्प्रदायको विस्तार गर्ने लक्ष्यका साथ २०२२ सालमा स्थापित राधाकृष्ण मन्दिर स्थापनाको पाँच दशकपछि यसको सक्रियतामा राधाकृष्ण गुरुकुल संस्कृत विद्यालय सञ्चालनमा ल्याइएको हो ।

२०७० सालमा स्वीकृति प्राप्त गरी २०७१ सालबाट सञ्चालनमा आएको यस विद्यालयमा कक्षा ६ देखि १० सम्मको अध्यायन हुँदै आएको छ ।

विद्यालयमा हाल विभिन्न जिल्लाबाट आएका ३० विद्यार्थी आवासीय रुपमा अध्ययन गरिरहेका छन् ।