पोखरा ।
पोखरा ४ को ज्ञानमार्ग टोल विकास संस्थाले टोलमा सिसी क्यामेरा जडान गरेको छ । टोलको १० औं साधारणसभामा पोखरा ४ का वडाध्यक्ष देवकृष्ण पराजुलीले क्यामेरा जडानको सुरुआत गरे ।

पराजुलीले टोलमा भएको राम्रो काम भएको उल्लेख गर्दै यसरी हुने कामलाई वडाको तर्फबाट सहयोग रहने प्रतिवद्धता गरे । वडा सदस्य प्रकाश कोइरालाले टोल टोलमा हुने सकारात्क कार्यले नै वडाको विकास हुने बताए ।

संस्थाका अध्यक्ष नारायणकुमार श्रेष्ठको अध्यक्षतामा भएको कार्यक्रममा सचिव शान्ति श्रीसले सचिवको प्रतिवदेन तथा कोषाध्यक्ष मनकुमार श्रेष्ठले कोषाध्यक्षको प्रतिवेदन प्रस्तुत गरेका थिए । कार्यक्रममा संस्थाका उपाध्यक्ष रामचन्द्र शर्मा, सल्लाहकार सुरेश श्रेष्ठ, डा कृष्णराज अधिकारी लगायतले बोलेका थिए ।