पोखरा ।
सहज ट्रेड बचत तथा ऋण सहकारी संस्थाको १० औं साधारण सभा भएको छ । सभामा संस्थाका ज्येष्ठ सेयर सदस्य खगेन्द्रमान ताम्राकारले सहकारीमा आवद्ध सबैले सहकारीको मर्म अनुसार काम गर्नुपर्ने बताए ।

संस्थाका सल्लाहकार टुवराज बास्तोलाले उत्पादनशील क्षेत्रसँगै व्यवसायिक क्षेत्रमा सहकारीले कर्जा प्रवाह गर्नुपर्नेमा जोड दिए । सो अवसरमा स्नातक र स्नातकोत्तर उतीर्ण भएका सेयर सदस्यका छोराछोरीलाई सम्मान गरिएको थियो ।

कार्यक्रममा संस्थाका अध्यक्ष श्यामकृष्ण बास्तोला, सचिव चिन्तामणि बास्तोला, कोषाध्यक्ष माधव तिमिल्सिना र लेखा समिति संयोजक राजु श्रेष्ठ, उपाध्यक्ष सरिता ताम्राकार लगायतले बोलेका थिए । ६ सय ४३ सेयर सदस्य रहेको सहकारीमा ५ करोड १६ लाख ६ सय सेयर पुँजी छ ।