पोखरा ।
आहा रारा पोखरा गोल्डकपको टिकट माइपे डिजिटल वालेटबाट अनलाइन किन्न सकिने भएको छ । डिजिटल वालेटबाट टिकट काट्दा १० प्रतिशत क्यासब्याक पाइने माइपेले जनाएको छ ।

२२ औं संस्करणको यस प्रतियोगिता पुस १४ गतेदेखि २४ गतेसम्म सञ्चालन हुँदै छ । पोखरा रंगशालामा आयोजना हुन लागिरहेको यस प्रतियोगितामा १० टिम सहभागी हुँदै छन् ।

प्रतियोगिताको टिकटलाई डिजिटल बनाएर कार्य सुरु गरेको माइपेका प्रमुख कार्यकारी अधिकृत मनोज मेहताले जनाकारी दिए ।

प्ले स्टोर वा एप स्टोरबाट सजिलै माइपे एप डाउनलोड गरी, एप भित्रैबाट टिकट काट्न सकिने माइपेले जानकारी दिएको छ ।

माइपेका अनुसार डिजिटल माध्यमबाट टिकट काट्नेमध्ये हरेक दिन २ जनालाई शतप्रतिशत क्यासब्याक र सेमिफाइनलको टिकट काट्ने २ जनालाई फाइनलको टिकट निःशुल्क वितरण गरिनेछ ।