पोखरा ।
लायन्स क्लब अफ पोखरा फिस्टेल सिटीले मदने डाँडा माध्यमिक विद्यालयका विद्यार्थीलाई छात्रवृति प्रदान गरेको छ । पुस २८ गते क्लबले सुनिता नेपाली, पुजा थापा,अनिल कोईराला र छात्रा मोनिका कुँवरलाई जनहि ५००० गरिव तथा जेहेन्दार छात्रवृत्ति वितरण गरेको हो ।

कक्षा केजि देखि कक्षा ५ सम्मका १५० जना विद्यार्थीलाई झोला, स्टेशनरी तथा खेलकुदका सामान साथै विद्यालयलाई ६ थान डेस्कटप कम्प्युटर गरी तीन लाख बराबरको सहयोग गरेको क्लबका अध्यक्ष रेशमबाबु श्रेष्ठले जानकारी दिए ।

हिमालय आँखा हस्पिटल घारीपाटनको समन्वयमा विद्यार्थीहरूको आँखा जाँच समेत गरिएको श्रेष्ठले बताए ।
कार्यक्रमको प्रमुख अतिथिमा डिस्ट्रिक ३२५ एम का सेकेण्ड भाइस डिस्ट्रिक गर्भनर चण्डीप्रसाद अर्याल थिए । कार्यक्रम संयोजक श्यामबहादुर श्रेष्ठले हुन् भने सञ्चालन क्लबका सचिव लाेकलाथ पाैडेलले गरेका थिए । कार्यक्रममा क्लबका पूर्वअध्यक्ष, सदस्यहरुको उपस्थिति थियो ।