पोखरा ।
पोखरा महानगरपालिका वडा नं. ११ स्थित सिद्धेश्वर महिला समूहको अध्यक्षमा कमला अधिकारी बास्तोला निर्वाचित भएकी छन् । समूहको २० औं साधारणसभा तथा नवौं अधिवेशनले बास्तोलालाई २ वर्षे कार्यकालका लागि सर्वसम्मत निर्वाचित गरेको हो ।

समूहको उपाध्यक्षमा दुर्गा बास्तोला, सचिवमा जमुना बास्तोला, कोषाध्यक्षमा रजनी पौडेल बास्तोला र सहसचिवमा मञ्जु अधिकारी निर्वाचित भए । सदस्यमा विद्या बास्तोला, सरिता अधिकारी, सावित्री बास्तोला, रजनी बास्तोला, लक्ष्मी बास्तोला, गीता बास्तोला, भगवती आचार्य, भगवती चिलवाल, पार्वती बास्तोला, सीता बास्तोला, हरिमाया बास्तोला र वसुन्धरा बास्तोला छन ।

अधिकृत नन्दप्रसाद आचार्य रहेको निर्वाचन समितिले नयाँ कार्यसमिति चयन गरेको हो । सभामा पोखरा ११ का वडाध्यक्ष प्रेम कर्माचार्यले महिला समूहले समाज र महिला हक अधिकार, जनचेतना र महिलामा जागरणका लागि महत्वपूर्ण योगदान पु¥याएको बताए । उनले महिलाको सबलीकरण र सशक्तीकरणको सवालमा संस्थाले पुर्‍याएको योगदानको उच्च प्रशंसा गर्दै आगामी दिनमा यस्ता कार्यले निरन्तरता पाउनेमा विश्वस्त रहेको बताए ।

समूहकी अध्यक्ष उमा बास्तोलाको अध्यक्षतामा भएको कार्यक्रममा कार्यक्रममा वडा सदस्य सुशील बास्तोला र रनसुवा गुरूङ, समूहकी संस्थापक अध्यक्ष शारदा बास्तोला, पूर्व अध्यक्ष रेवती बास्तोला, फूलवारी क्लबका अध्यक्ष हरिश्चन्द्र बास्तोला। उपाध्यक्ष कमला अधिकारी बास्तोला, सचिव दुर्गा बास्तोला लगायतले बोलेका थिए ।