पोखरा ।
दर्शन सहकारी तथा ऋण संस्था लिमिटेड१३ औं वर्षमा प्रवेश गरेको छ । संस्थाले १३ औं स्थापना दिवस आइतबार मनाएको हो । कार्यक्रममा कास्कीका सहायक प्रमुख जिल्ला अधिकारी अनिलकुमार शाहीले गौरवलाग्दो र राम्रो सहकारी बनाएर सेवा प्रदान गर्न आवश्यक रहेको बताए ।

कार्यसमितिलाई आआफ्नो जिम्मेवारी बहन गर्न उनले अनुरोध गरे । शाहीले सहकारीलाई राज्यले समेत महत्वपूर्ण रुपमा लिएका हुँदा यसलाई सकारात्मक ढंगले सबैले सहयोग गर्नुपर्नेमा जोड दिए ।

ठकुरी महासघंका केन्द्रीय अध्यक्ष तथा दर्शन सहकारीका संस्थापक अध्यक्ष खिमबहादुर शाहीले छरिएर रहेको पुँजीलाई एकीकृत गर्दै लैजाने सोचले सहकारी स्थापना गरिएको बताए ।

कार्यक्रममा संस्थाका सल्लाहकार खड्गबहादुर शाही, ठकुरी संगम परिवार कास्कीका वरिष्ठ उपाध्यक्ष यामबहादुर हमाल, संस्थापक प्रबन्धक रवीन्द्रबिक्रम चन्द, उपाध्यक्ष राजाराम शाही र सचिव ज्योति हमाल लगायतले बोलेका थिए ।

सहकारीका अध्यक्ष विष्णुकुमारी उच्चैको अध्यक्षतामा भएको कार्यक्रममा संस्थापक प्रबन्धक रवीन्द्रबिक्रम चन्दलाई सम्मान गरिएको थियो ।