पोखरा ।

भुलभला मेलाको अवसरमा कप सेभेन ए साइड फुटबल प्रतियोगिता हुने भएको छ । भुलभुला युवा क्लब पोखरा ३३ को आयोजना तथा पोखरा महानगरपालिका वडा न ३३ को आर्थिक व्यस्थापनमा प्रतियोगिता हुन लागेको हो ।

प्रतियोगिता चैत २६ देखि वैशाख १ गतेसम्म पोखरा ३३ उपल्लो पुडी खेल मैदानमा हुनेछ । स्थानीय स्तरमा खेलकुदको पहुँच अभिवृद्धि गर्ने र व्यावसायिक फुटबल खेलको विकासमा टेवा पुर्‍याउने उद्देश्यका साथ प्रतियोगिता आयोजना गरिएको हो ।

खेलमा २ दर्जनभन्दा बढी टिमको सहभागिता रहने अपेक्षा प्रतियोगिताका संयोजक आशिक कुँवरले सुनाए । विजेता टिमले नगद ४० हजार र उपविजेताले नगद २५ हजारका साथमा मेडल र प्रमाणपत्र पाउने छन् । प्रतियोगिता खेलहरु नकाउटका आधारमा खेलाइनेछन् ।

प्रतियोगिताको तयारी सुरु भएको जनाउँदै आयोजकले टिम दर्ता गर्न आग्रह गरेको छ । चैत २६ गतेसम्ममा टिम दर्ता गर्ने समय छ ।