पोखरा ।

लायन्स क्लब अफ पोखरा अन्नपूर्ण नाइसले नव प्रभात मावि नयाँ बजारका ११ जना जेहेन्दार विद्यार्थीहरुलाई शैक्षिक तथा स्टेसनरी सामग्री वितरण गरेको छ । लायन्स क्लब इन्टरनेसनल ३२५ जे का डिस्ट्रिक चिफ सोनाम साङपोले हस्तान्तरण गरे ।

त्यस अवसर जोन चियर पर्सन तथा लायन्स क्लब अन्नपूर्णका पूर्व अध्यक्ष सूर्यप्रसाद बरालले भर्खर स्थापना भएको क्लबले समाजमा आफ्नो पहिचान राख्न सकेकोमा बधाई दिए । विद्यालय व्यवस्थापन समितिका अध्यक्ष प्रीति पाण्डेले स्टेसनरी सामान प्रदान गरी विद्यार्थीलाई सहयोग गरेकोमा धन्यवाद दिइन् ।

प्रधानाध्यापक माया थापाले लायन्स क्लबले खानेपानी टंकी निर्माणमा पनि सहयोग गरेको स्मरण गरिन् । लायन्स क्लब पोखरा अन्नपूर्ण नाइसका प्रथम उपाध्यक्ष लक्ष्मी गुरुङ विद्यालयलाई क्रमश विभिन्न सहयोग जारी रहने बताइन् ।

कार्यक्रमको अध्यक्षता लायन्स क्लब पोखरा अन्नपूर्ण नाइसका अध्यक्ष तीर्थ श्रेष्ठले गरेका थिए । स्वागत भाषण कार्यक्रम संयोजक लक्ष्मी गुरुङ र कार्यक्रम सञ्चालन सचिव विष्णुमाया थापा जोजिजुले गरेकी थिइन् ।