पोखरा ।
पोखरामा शनिबार सकिएको गण्डकी प्रदेश स्तरीय बास्केटबल प्रतियोगितामा म्याग्दी विजयी भएको छ । गण्डकी प्रदेश खेलकुद विकास परिषद्ले आयोजना गरेको प्रतियोगितामा पर्वतलाई हराउँदै म्याग्दी च्याम्पियन भएको हो । जिल्ला खेलकुद विकास समिति म्याग्दीका उपाध्यक्ष्समेत रहेका बास्केटबल खेल प्रशिक्षक बिसन रानाले म्याग्दीले पर्वतलाई ८० का विरुद्ध ८३ स्कोरले हराएको बताए ।

विजेता र उपविजेताले ट्रफी मेडल र प्रमाणपत्रसहित क्रमश ६० हजार र ३० हजार नगद पुरस्कार पाएका छन् । म्याग्दीका खेलाडीहरु पुस्कल छन्त्यालको कप्तानीमा मैदानमा उत्रिएका थिए । ७ जिल्लाले सहभागिता जनाएको प्रतियोगिता ३ दिनसम्म सञ्चालन भएको थियो ।