पोखरा ।
बड्स एकेडेमी, बैदाम पोखरा–६ ले बालबालिकाको शिक्षा चौतर्फी विकास र हाम्रो भूमिका शीर्षकमा प्रशिक्षण प्रदान गरेको छ । बालबालिकाको सिकाइमा नवीन प्रविधिको प्रयोगका साथै वैज्ञानिक तथा व्यावहारिक शिक्षामा जोड दिने हेतुले प्रशिक्षण राखिएको थियो ।

प्रदीप पराजुलीले कक्षा प्रिनसरीदेखि कक्षा १ सम्मका शिक्षक तथा अभिभावकहरुलाई प्रशिक्षण दिएका थिए । विद्यालय व्यवस्थापन समितिका अध्यक्ष मेहरमान श्रेष्ठको अध्यक्षतामा सञ्चालित कार्यक्रममा विद्यालयका प्राचार्य प्रकाशराज वाग्लेले इसिइसी जस्ता अन्य नवीन कार्यक्रमहरुलाई पनि विद्यालयले लागु गर्दै जाने बताए ।

विद्यालयका यस्ता कार्यक्रमहरुबाट अभिभावकहरुले बालबालिकाको सिकाइमा आफ्नो अहम भूमिकाका बारेमा बुझ्ने अवसर पाएकोमा खुसी व्यक्त गरे ।