जोमसोम—मुस्ताङको थासाङ साविक कुञ्जो गाविस अन्तर्गतका सरकारी सामुदायिक विद्यालयहरुलाई लोघेकर दामोदरकुण्ड गापाका अध्यक्ष लोप्साङ छोम्फेल बिष्टले पोशाक र शैक्षिक सामाग्री हस्तान्तरण गरेका छन् । थासाङका ५ वटा सामुदायिक विद्यालयका १२५ जना विद्यार्थीलाई पुग्ने गरी अध्यक्ष बिष्टले ५ लाख ३ हजार आर्थिक सहयोग गरेपछि शैक्षिक सामाग्री खरिदिएको थियो ।

सोही आर्थिक सहयोगबाट थासाङको कुञ्जो,टिटी,छयो,देउराली र पैरोथाप्लाका विद्यार्थीहरुलाई पोशाक र शैक्षिक सामाग्री संरक्षण व्यवस्थापन समिति कुञ्जोले खरिद गरी गाउँपालिका अध्यक्ष बिष्टकै हातबाट विद्यार्थीलाई वितरण गरिएको ताक्लुङ आधारभुत विद्यालयका प्रधानाध्यापक अर्जुन पुनले जानकारी दिए ।
उपल्लो मुस्ताङको लोघेकर दामोदरकुण्ड गाउँपालिकाका अध्यक्ष रहेका बिष्टले जिल्लाका अन्य पालिकालाई पनि उत्तिकै माया र सम्मान गर्छन् । यसैका खातिर उपल्लो क्षेत्रका पालिकाका अध्यक्षले तल्लो क्षेत्रको ओझेलमा परेको विद्यालय र विद्यार्थीहरुलाई आर्थिक सहयोग गरी पोशाक ,शैक्षिक सामाग्री र विद्यालयलाई चाहिने साउण्ड सिस्टम खरिद गरिएको हो । गाउघरका विद्यालयलाई शिक्षा प्रति जागरुक बनाउन आफुले आर्थिक सहयोग गरी शैक्षिक सामाग्री हस्तान्तरण गरेको अध्यक्ष विष्टले बताए ।
उपल्लो मुस्ताङका अध्यक्ष आफै आएर शैक्षिक सामाग्री पाउँदा विद्यार्थीहरु खुसी भएको प्राधानाध्यापक पुनले बताए ।
आईतबार थासाङ—५ का विद्यालयहरुले अध्यक्ष बिष्टलाई आमन्त्रण गरी खरिद गरिएका शैक्षिक समाग्री सहयोग हस्तान्तरण कार्यक्रम गरी वितरण गरिएको कुञ्जोकी स्थानीय सारदा गौचनले जानकारी दिईन ।कार्यक्रममा थासाङका गाउँपालिका अध्यक्ष प्रदीप गौचन,उपाध्यक्ष सोमल हिराचन,थासाङ क्षेत्रका विद्यालयका शिक्षक तथा व्यवस्थापन समिति,संरक्षण व्यवस्थापन समिति र स्थानीय अभिभावकहरुको उपस्थिती रहेको थियो ।