पोखरा ।
पोखरा ८ सिमलचौर स्थित लिटिल स्टेप माध्यमिक विद्यालयले २०८० को बोर्ड परीक्षामा उत्तीर्ण विद्यार्थीलाई बधाई ज्ञापन गरेको छ । विद्यालयका संस्थापक निर्देशक शेरबहादुर गुरुङको अध्यक्षतामा भएको कार्यक्रममा पञ्चकोशी आर्थ डाँडाखर्क समाजका संस्थापक अध्यक्ष क्या. लालप्रसाद गुरुङ लगायतले विद्यार्थीलाई बधाई दिए ।

अध्यक्ष शेरबहादुरले विद्यालयले ४ दशक लामो शैक्षिक यात्रामा धेरै उकाली ओराली सामना गरेको र आफूले सदैव अभिभावक र शिक्षाविद्बाट साथ र समर्थन प्राप्त गरेको सुनाए । उनलेसफल विद्यार्थी तथा अभिभावकलाई बधाई दिँदै उज्ज्वल भविष्यको कामना गरे ।

संस्थापक प्राचार्य पम्फा गुरुङले विद्यार्थी र अभिभावकको दशक लामो शैक्षिक यात्राको एक चरण सम्पन्न भएको सुनाइन् । कार्यक्रममा पोखरा लिंकन इन्टरनेसनल कलेजका प्रमुख अनिलकुमार अर्यालले कलेजमा सञ्चालित बिबिए र बिएचएम कार्यक्रमबारे जानकारी दिए । सो अवसरमा अंग्रेजी शिक्षक गंगाराम पौडेल, +२ की क्रिष्टिना छन्त्याल, उत्कृष्ट अंक हासिल गर्ने आकाश गुरुङ लगायतले बोलेका थिए ।

सो अवसरमा विभिन्न सांस्कृतिक कार्यक्रमसमेत प्रस्तुत गरिएको थियो ।