पोखरा ।
नेपाली भाषा शिक्षक परिषद्ले शनिबार आयोजना गरेको शब्दभण्डारसँग सम्बन्धित शब्दखेल प्रतियोगितामा डायमन्ड मोडेल मावि प्रथम भएको छ । प्रतियोगिता दोस्रो सिर्जना मावि, तेस्रो मदरल्यान्ड मावि तेस्रो र रेन्बो एकेडेमिक होम्स् माध्यमिक विद्यालय चौथा बने ।

बालप्रभात बोर्डिङ स्कुल र बेसलाइन मावि सान्त्वना बने । प्रतियोगितामा ६२ स्कुल सहभागी थिए । विजेता विद्यालय र विद्यार्थीहरुलाई प्राडा रामनाथ ओझा, प्याब्सन कास्की अध्यक्ष मथुराप्रसाद पौडेल, भाषा परिषद् अध्यक्ष डिल्लीराम अर्याल लगायतले ट्रफी र प्रमाणपत्र प्रदान गरेका थिए ।

भाषा परिषद्ले शिक्षा र विद्यार्थीको सम्बन्ध विस्तार र भाषाको विकास, सम्वद्र्धन र विद्यार्थीको क्षमता विस्तारका लागि विभिन्न कार्यक्रम गर्दै आएको अध्यक्ष अर्यालले जनाए । कार्यक्रममा भाषा परिषद्का संस्थापक अध्यक्ष माधवशरण उपाध्याय, वरिष्ठ उपाध्यक्ष सूर्यप्रसाद लम्साल, महासचिव शिवहरि सुवेदी, कार्यक्रम संयोजक हरिप्रसाद शर्मा, सल्लाहकार डोलराज अर्याल लगायतले बोलेका थिए ।