पोखरा ।
नेपाल विद्यार्थी संघ (नेविसंघ) का नेताहरुले नेपाली कांग्रेस कास्कीको कार्यालयमा तालाबन्दी गरेका छन् । नेविसंघको विवाद नटुंगाउने प्रपन्च रचेको भन्दै केन्द्रीय सदस्य निर्दोष विक्रम पौडेलसहितको टोलीले बुधबार कांग्रेस कास्की पार्टी कार्यालयमा तालाबन्दी गरेको हो ।

नेपाली कांग्रेस कास्की सभापतिबाट गरिएको प्रतिबद्धता अनुसार कुनै पनि कार्य नगरिएको साथै महानगरद्वारा भातृ संगठनका बाहलवाला सदस्यहरुको अपहेलना गरिएको उनीहरुको आरोप छ ।

कास्की जिल्ला कार्यसमितिबाट नेविसंघ कास्कीको विषयमा कनैपनि आधिकारीक धारणा नदिएको, नेविसंघ कास्कीको विवाद नटुंगाउने हिसाबको प्रपन्च रहेको आरोप लगाएका छन् । ‘महानगर स्तरीय सम्मेलनमा नेविसंघको गरिमा आच आउने कार्य निरन्तर भैरहेको कार्यपनि हामीलाई स्वीकार्य छैन,’ विज्ञप्तीमा उल्लेख गरिएको छ ।

‘पार्टी भित्रको गुटगत लडाईमा साचि बस्न नसक्ने हुँदा पार्टीको बैठक बसी अधिकारीक धारणा सार्वजानिक नगरुञ्जेल र विवादको समाधान नहुनजेल नेपाली कांग्रेस कास्की जिल्ला पार्टी कार्यालयमा आजको दिन देखि अनिश्चितकालका लागि तालाबन्दी गरेको घोषणा गर्दछौं,’ विज्ञप्तीमा भनिएको छ ।