पाेखरा ।

पोखरा महानगरपालिका र कोरिया अन्तर्राष्ट्रिय सहयोग नियोग ९कोइका०बीच हरित रोजगारी सिर्जना परियोजना सञ्चालन गर्नेबारे सम्झौता भएको छ । दुई संस्थाबीच रिसाइक्लिङ र अपसाइक्लिङमार्फत हरित रोजगारी सिर्जना परियोजना सञ्चालन सम्बन्धी सम्झौता भई विहीबार पारस्परिक प्रतिबद्धता पत्रमा हस्ताक्षरसमेत भएको हो । प्रतिबद्धता पत्रमा पोखरा महानगरपालिकाका प्रमुख धनराज आचार्य र कोइकाका उपप्रमुख युन यंग लीले हस्ताक्षर गरेका छन् । यसअघि दुई संस्थाबीच ३० अगस्ट २०२३ मा परियोजना सम्बन्धी प्रारम्भिक मस्यौदामा हस्ताक्षर भएको थियो । हाल यो परियोजना नेपाल सरकार र गणतन्त्र कोरिया सरकारबाट स्वीकृतिको अन्तिम प्रक्रियामा रहेको छ ।

सम्झौता अनुसार कोइकाले हरित अर्थतन्त्रमा योगदान पु¥याउने दिगो रिसाइकल र अप–साइकल ९आरयू० उद्यमहरूलाई बढावा दिन उपयुक्त माध्यम सिर्जना गर्ने जनाइएको छ । जसले महानगरपालिकाका कर्मचारी, सरकारी सरोकारवाला र आरयू उद्यमहरूको क्षमता निर्माण गरी हरित रोजगारी सिर्जना गर्न सहयोग पुग्ने बताइएको छ । यस्तै ग्रिन भेञ्चर जोन ९जीभीजेड० स्थापना गर्ने र नयाँ तथा आरयू उद्यमहरूलाई वित्तीय, प्राविधिक र बजारीकरणका लागि सहयोग पुग्ने ईन्क्यूबेसनलगायतका कार्यहरु गर्ने पोखरा महानगरपालिकाका प्रमुख धनराज आचार्यले जानकारी दिए । परियोजना सञ्चालनपश्चात फोहरमैला सचेतना सम्बन्धी नागरिक व्यवहारमा परिवर्तन ल्याउन सहयोग पुग्ने उनको विश्वास छ ।

प्रतिबद्धता अनुसार ग्रिन भेञ्चर जोन ९जिभीजेड० स्थापना गर्न महानगरपालिकाले पोखरा–६ बसुन्धरा पार्कमा ५ हजार ९० वर्ग मिटर क्षेत्रफल उपलब्ध गराउनेछ । साथै हरित अर्थतन्त्रमा योगदान पु¥याउने दिगो आरयू उद्यमहरूलाई बढावा दिन उपयुक्त वातावरण सिर्जना गर्न महानगरपालिकाले पर्याप्त र आवश्यक मानव संसाधनहरू विनियोजन गर्ने प्रतिबद्धतामा उल्लेख छ । आरयू उद्यमहरूलाई बढावा दिन दिगो नीतिको सुनिश्चिततासहित महानगरपालिकाले परियोजनाको स्वामित्वमा लिनेपनि जनाइएको छ । प्रमुख आचार्यले फोहरमैलाको व्यवस्थापन चुनौतीपूर्ण हुने भन्दै फोहरलाई मोहरमा बदल्ने प्रयास स्वरुप हरित रोजगारी सिर्जनामा जोड्न लागिएको बताउ । उनले भने,‘यस परियोजनाले युवाहरूलाई रोजगारीसँग जोड्ने छ भने फोहोरबाट मोहोर आर्जन हुनेछ ।’

कोईकाका उपप्रमुख युन यंग लीले यस परियोजनाले युवाहरूका लागि रोजगारी सिर्जनामा महत्वपूर्ण योगदान गर्ने विश्वास व्यक्त गरे । फोहरमैलाको उचित व्यवस्थापनमार्फत हरित रोजगारी सिर्जना र चक्रीय अर्थतन्त्रको सिर्जनशील उपयोग आम समुदायका लागि आवश्यक रहेको उनको भनाई थियो ।