पाेखरा ।

नेकपा एमालेको प्रथम गण्डकी प्रदेश अधिवेशनका लागि पाेखरा महानगर पालिकाबाट प्रतिनिधि छनाैट सम्पन्न भएकाे छ । एमाले पाेखरा महानगर कमिटीका अध्यक्ष दिलिप न्यापानेका अनुसार बुधबार प्रदेश कार्यलयलाई पाेखराका अधिवेशन प्रतिनिधिकाे नामावाली बुझाइएको छ ।

८७ जना प्रतिनिधिका लागि २ सय ८८ जनाकाे उमेद्वारी बनेपछि पाेखरा महानगर कमिटीले महानगरबाट प्रतिनिधित्व गर्ने प्रतिनिधि सर्वसम्मत रुपमा चयन गर्न एक सहजीकरण समिति र त्यसमाथि अनुमोदन समिति बनाएकाे थियो । सहजीकरण समितिमा ४ जना र अनुमोदन समितिमा ३ नेता सहभागी थिए ।

एमाले श्रोतका अनुसार सहजीकरण समितिमा पाेखरा महानगर कमिटीका अध्यक्ष दिलिप न्याैपाने, कास्की जिल्ला कमिटीका अध्यक्ष मनबहादुर गुरुङ, केन्द्रीय सदस्यद्वय कृष्ण थापा र भिम कार्की थिए भने अनुमाेदन समितिमा कास्की इन्जार्ज थममाया थापासहित नेताहरु खगराज अधिकारी र जगत विक सहभागी थिए ।

प्रतिनिधि चयन पनि चुनाव गर्दा नराम्राे सन्देश जाने भएकाले मापदण्ड बनाएर प्रतिनिधि चयन गरिएकाे सहजीकरण समितिमा सहभागी एक नेता ले बताए । सबैकाे चित्त बुझाउन नसकिए पनि पार्टी हितका लागि चुनावमा नगएर सर्वसम्मत छनाैटकाे विधि अपनाएकाे उनले दावी गरे ।

उत्पिडित तर्फकाे नामावली प्राप्त नभए पनि अन्य ७५ जना प्रतिनिधिकाे नामावली समाधानले प्राप्त गरेको छ । ति निम्न छन् ।