काठमाडौं ।
इओएल प्रालि नेपालमा एलिका उत्पादनहरूका लागि एकमात्र आधिकारिक वितरक सिजी इलेक्ट्रोनिक्स अन्तर्गतको संस्थाले यस पालिको दसैं, तिहार र छठलाई लक्ष्य गरी ग्राहक योजना ल्याएको छ । एलिका ब्रान्ड घरेलु उपकरण र भान्साको विश्वको अग्रणी निर्माता हो ।

नेपालमा भान्सा उपकरणहरूका बजारमा ग्राहकवर्गले असाध्यै रुचाएको एलिका ब्रान्डले नेपालको सबैभन्दा ठूलो उत्सव दसैं र तिहारलाई लक्ष्य गर्दै ‘दसैं तिहारमा, उपहार साथमा’ भन्ने नारासहित जारी गरेको यो अफर अन्तर्गत एलिकाको कुनै पनि सामानको (चिम्नी, कुक टप, हब, कुकिङ रेञ्ज, बिल्ट–इन ओभन, बिल्ट–इन मिक्रो वेभ ओभन) खरिदमा सिजी ब्रान्डको भ्याकुम फ्लास्क उपहार स्वरूप प्रदान गरिएको छ । यो ग्राहक योजना २८ भदौदेखि नेपालभरि सीमित अवधिका लागि लागु गरिएको छ ।

एलिका १९७० मा स्थापित एक इटालियन कम्पनी हो जसले किचन हुड, इन्डक्सन हब, र बोइलर डिजाइन र निर्माण गर्छ । कम्पनीको विश्वभर इटाली, पोल्यान्ड, मेक्सिको, भारत र चीनमा सातवटा प्लान्टहरू छन् ।