पोखरा ।
१ दशकपछि सौन्दर्यकला व्यवसायी संघ कास्कीले सोनु सिग्देलको नेतृत्वमा नयाँ अध्यक्ष पाएको छ । संस्थाका सल्लाहकार, संस्थापक सदस्यहरु तथा कार्यसमिति सदस्यहरुको समर्थनमा आइतबार सिग्देललाई अध्यक्ष तथा उपाध्यक्षमा लक्ष्मी श्रेष्ठ रञ्जितलाई चयन गरिएको हो ।

संस्थाका केन्द्रीय सदस्य तथा संस्थापक चन्द्र प्रधानले सिग्देल र श्रेष्ठलाइ बधाई दिँदै १ दशकपछि संस्थाको नेतृत्व परिबर्तन हुँदा खुसी व्यक्त गरिन् । उनले संस्थालाई चलायमान बनाउन नयाँ नेतृत्व आवश्यक रहेको बताइन् । संस्थाका केन्द्रीय सदस्य तथा पूर्व अध्यक्ष लतिका बजिमयले प्रत्येक संस्थालाई गतिशील बनाउन समयसँगै नेतृत्व पनि परिवर्तन हुनुपर्नेमा जोड दिइन् ।

संस्थाका संस्थापक लक्ष्मी गुरुङ, मञ्जु श्रेष्ठ, सचिव दीपा कार्की, कार्यसमिति सदस्य शिला घिमिरेले नयाँ नेतृत्वलाई खादा, टीका र माला लगाई बधाई तथा शुभकामना व्यक्त गरे । संस्थाका निवर्तमान अध्यक्ष केन्द्रीय उपाध्यक्षको रुपमा केन्द्रीय समितिमा रहेको र कास्की जिल्लामा अध्यक्षको पद रिक्त रहेकाले विधान तथा संस्थाका सल्लाहकार, संस्थापक सदस्यहरु तथा कार्य समिति सदस्यहरुको समर्थनमा सिग्देललाई अध्यक्ष तथा उपाध्यक्षमा लक्ष्मी श्रेष्ठ रञ्जितलाई चयन गरिएको हो ।