दसैंको अवसरमा पोखरामा तेस्रो खसीबोका प्रदर्शनी गरिने भएको छ । पोखरा महानगरपालिकाले खसीबोका प्रदर्शनी गर्ने भएको हो ।

पोखरा महानगरपाालिका वडा नं २८, सौर्यबजारमा हुने खसीबोकाको प्रर्दशनीको तयारी भएको वडा नं २८ का अध्यक्ष श्रीकृष्ण लामिछानेले जानकारी दिए । पोखरा २८ र आसपासका किसानलाई प्रोत्साहन र कृषिलाई प्रवद्र्धन गर्न प्रदर्शनी आयोजना गरिएको हो ।

पोखरा महानगरपालिका पशु सेवा शाखाका प्रमुख नवराज अधिकारीले उत्पादनमा आधारित पशुपालनलाई पवद्र्धन गर्दै स्थानीय उत्पादन प्रयोग गर्ने बानीको विकास गर्नका लागि प्रदर्शनी आयोजना गरिएको बताए । असोज ३० गते मंगलबार हुने प्रदर्शनीको स्थानीय व्यवस्थापन पोखरा महानगरपालिका वडा नं २८ ले गरेको छ ।

पशुुपंक्षी तथा मत्स्य विकास निर्देशनालय गण्डकी प्रदेश पोखरा, भेटेरिनरी अस्पताल तथा पशुु सेवा विज्ञ केन्द्र कास्की र व्यावसायिक बाख्रापालन समिति पोखरा २८ ले कार्यक्रममा सहकार्य गरेका छन् । प्रदर्शनीमा किसानले खसीबोका निःशुल्क राख्न पाउने व्यवस्था मिलाइएको छ भने खसी, बोका खरिद बिक्रीका लागि सहजीकरण गर्ने आयोजकले जनाएको छ ।

एकै घरबाट धैरै खसी बोका ल्याउने र सबैभन्दा ठूला खसी बोका ल्याउने किसानलाई पुुरस्कारसमेत दिइने आयोजकले जनाएको छ ।