पोखरा ।
भारतमा रहेका ६४ टोपखाना मैदाने रेजिमेन्टका भूपू मेजर जर्नेल र कर्नेलको समूह पोखरा आएको छ । रेजिमेन्टका मेजर जर्नेल अरुणकुमार गुुप्ताको नेतृत्वमा ८ जनाको समूह पोखरा आएको हो ।

समूहलाई पोखरा अन्तर्राष्ट्रिय विमानस्थलमा बाजगाजासहित स्वागत गरिएको छ । कास्की, तनहुँ, लमजुङ्ग, बाग्लुङ्ग स्याङ्जा, पर्वतमा रहेका पल्टनका भूपू सैनिकहरुसँग भेटघाटका लागि समूह पोखरा आएकोे नायक अशोक अधिकारीले जानकारी दिए ।

भेटघाटमा क्रममा सो समूहले भूपू सैनिकका गतिविधि, पारिवारिक समस्या र आवश्यकताका बारेमा जानकारी लिने नायक शिवबहादुर केसीले जानकारी बताए । समूहले १ सयभन्दा बढी भूपूहरुसँग भेटघाट गर्ने छ । समूहले पोखरा फेवाताल, शान्ति स्तुपा, पुम्दीकोटस्थित शिव मन्दिर, काँहुडाडाँ धरहरा लगायतका क्षेत्र अवलोकन गर्ने कार्यक्रम छ ।