जोमसोम—मुस्ताङ प्रहरीले अवैंध रुपमा भन्सार छली गरि ल्याईएका ४ थान चाईनिज कम्पनीका मोटरसाईकल वरामद गरेको छ ।जिल्ला प्रहरी कार्यालय मुस्ताङबाट खटिएको टोलीले नेपाल—चीन सीमानाकाबाट चोरी छली गरी ल्याईएका चाईनिज मोटरसाईकललाई सोमबार दिउँसो ४ बजे मुस्ताङ र डोल्पाको सीमा क्षेत्र साङ्ता गाउँ नजिकबाट वरामत गरेको हो ।

नेपाल—चीन सीमानाकाबाट अवैद्ध रुपमा भन्सार छली गरी चाईनिज मोटरसाईकल लुकाएर राखेको भन्ने गोप्य सूचनाका आधारमा जिल्ला प्रहरी कार्यालय मुस्ताङबाट प्रहरी सहायक निरीक्षक सुजन गुरुङको कमाण्डमा खटिएको टोली मुस्ताङ—डोल्पा सडकको सीमाक्षेत्रबाट ४ थान मोटरसाईकल फेला परेको प्रहरी नायव उपरीक्षक डिएसपी भोजराज पाण्डेले जानकारी दिए । मोटरसाईकल वरामद गरिएको स्थान मुस्ताङ—डोल्पा सडकको वारागुङ मुक्तिक्षेत्र—५ मा पर्छ ।
प्रहरीले अवैद्ध रुपमा भित्र्याईएका ४ थान चाईनिज कम्पनीको मोटरसाईकलको मूल्य १० लाख पर्ने उल्लेख गरिएको छ ।प्रहरी नायव उपरीक्षक पाण्डेका अनुसार हरियो ÷कालो रंङको २ सय सीसीको लिफन कम्पनीको थान १, रातो÷कालो रङको होनलि कम्पनीको १२५ सीसीको थान १,रातो कालो रङको यानग्याङ कम्पनीको १५० सीसीको थान १ र कालो सेतो रातो रङको जिङगुईगन ,जेटवाई २५० सीसीको अवैंद्ध मोटरसाईकल वरामद गरिएको हो ।
प्रहरी वरामद गरेको ३ वटा चाईनिज मोटरसाईकल मूल्य २÷२ लाख मुल्यको छ भने अर्को २५० सीसीको मोटरसाईकलको मूल्य ४ लाख रहेको जनाईएको छ ।
जिल्ला प्रहरी कार्यालय मुस्ताङका प्रहरी नायव उपरीक्ष पाण्डेले नेपाल—चीन सीमानाकाबाट अवैंध रुपमा भित्र्याईएका ४ थान मोटरसाईकलहरु आवश्यक कारवाहीका लागि मुस्ताङ भन्सार कार्यालय जोमसोममा पठाईएको जानकारी दिए ।
कोभिड तथा सुरक्षा संवेदनशीलताको कारण देखाउँदै चीनले ४ वर्ष अघि नेचुङ—लिजी कोरलानाका बन्द गरेको थियो । गत कार्तिक २७ गते औपचारिक रुपमा नाका खुल्ला भएसंगै मुस्ताङमा ४ थान चाईनिज मोटरसाईकल वरामद भएको हो । नाका खुलेको ५ दिनपछि नेचुङमा नेपालका तर्फबाट भन्सारका कर्मचारीले राजश्व उठाउन सुरु गरेका छ ।
यसअघि उपल्लो मुस्ताङमा चीनबाट अवैंद्ध रुपमा ल्याईएका दर्ता नभएका चाईनिज मोटरसाईकल छ्यापछ्याप्ती रहेको ती दर्ता बिनाका मोटरसाईकललाई कानुनी दायरामा ल्याउन पहल भईरहेको बताईएको छ ।

फोटो क्याप्सन ः
मुस्ताङमा नेपाल—चीन नाकाबाट भन्सार छलेर ल्याईएका ४ थान मोटरसाईकल वरामद ।