पोखरा ।
रेन्बो एकेडेमिक होम्सले शनिबार प्रिप्राइमरी तहमा अभिभावक भेला आयोजना गरेको छ ।

कार्यक्रममा पोखरा महानगरपालिका वडा नम्बर १५ का अध्यक्ष तोरणबहादुर बानियाँले वडा कार्यालयले वडाको शैक्षिक स्तर र विद्यार्थीका विभिन्न क्षमतालाई प्रोत्साहन गर्न विभिन्न कार्यक्रम सञ्चालन गरिरहेको बताए । उनले शिक्षाको स्तर सुधार नभई देशको विकास सम्भव नहुने जनाए ।

महानगरका शिक्षा अधिकृत कृष्ण भण्डारी बालबालिकाको विकासमा विद्यालय, घर र समाजको भूमिका रहने धारणा राखे । ओआई इन्टरनेसनलका निर्देशक अञ्जना श्रेष्ठले समयसापेक्ष र प्रविधिको विकासमा जोड दिइन् ।

कार्यक्रममा पूर्वनर्सरीदेखि युकेजीसम्मका बालबालिकाले बालगीत, नृत्य र थिम प्रस्तुत गरेका थिए । समारोहमा २०७९ सालको शैक्षिक र खेलकुदमा उत्कृष्ट विद्यार्थीलाई पुरस्कारसमेत वितरण गरिएको थियो ।

कार्यक्रममा पूर्ववडाध्यक्ष प्रकाश पौडेलले पनि बोलेका थिए । विद्यालयका प्राचार्य बाबुराम बरालको अध्यक्षतामा भएको कार्यक्रम खेमनारायण ढकाल र सोनी गुरुङले सञ्चालन गरेका थिए ।