पोखरा ।
घर बहाल सरोकार महासंघ गण्डकीको अध्यक्षमा कमलप्रसाद न्यौपाने (कास्की) सर्वसम्मत बनेका छन् । महासंघको मंगलबार पोखरामा भएको अधिवेशनले न्यौपानेको अध्यक्षतामा नयाँ कार्यसमिति निर्वाचित गरेको हो ।

समितिको उपाध्यक्षमा ईन्दु श्रेष्ठ (कास्की, सचिव ताराप्रसाद तिवारी (कास्की) र कोषाध्यक्षमा अमृत घिमिरे (कास्की) छन् । सदस्यमा रामप्रसाद चापागाईं(कास्की), भीम सिंह (तनहुँ) र तुलसी शर्मा (कास्की) चुनिएका छन् । एक उपाध्यक्ष भने पछि मनोनयन गरिनेछ ।

महासंघ गण्डकी अध्यक्ष यमनाथ पौडेलको अध्यक्षतामा कार्यक्रम भएको थियो । नवनिर्वाचित अध्यक्ष न्यौपानेले घरभाडाका विषयमा देखिएका विवाद, समस्या समाधान गर्दै बहालमा बस्ने र घरधनी दुवैलाई सहज बनाउन महासंघले भूमिका निर्वाह गर्ने वाचा गरे ।