रामकृष्ण लामिछाने
पर्वत

महाशिलागाउँपालिका ५ लुँखुदेउरालीका विभिन्न स्थानमा सौर्य बत्ती जडान गरिएको छ । पैदलयात्रा गर्नेलाई सहज र चोरी डकैतीका घटनाहरु नहोउन् भन्ने उद्देश्यले महाशिला गाउँपालिकाको आर्थिक सहयोगमा सौर्य सडक वत्ती जडान गरिएको वडाध्यक्ष जीवन ठकुरीले बताए ।

एउटा सौर्य बत्ती बत्तीले ५० मिटर वरपर उज्यालो दिने बताइएको छ । लुंखुदेउरालीको एकपाटेमा रहेको वडा कार्यालय, स्वास्थ्यचौकी, महेन्द्रज्योति मावि, प्रसिद्ध धार्मिक एवं पर्यटकीय स्थल महाशिला, मिलनचोक–देउराली पदमार्गको प्रतीक्षालय लगायत सार्वजनिक ठाउँमा सौर्य बत्ती राखिएको हो ।

गाउँपालिकाको झण्डै ५ लाख रुपैयाँ लागतमा बत्ती जडान गरेपछि धार्मिक एवं पर्यटकीय हिसाबले पनि अझै सहज हुने भएको छ ।

एसियाकै ठूलो महाशिला, धुवाँकोट, चिसापानी, विभिन्न गुफा तथा गुम्बा र स्थानीय समुदायको संस्कृति यस क्षेत्रका मुख्य पर्यटकीय आकर्षण हुन् । यस अघि पर्वतको सदरमुकाम कुश्मा, डिमुवा, वारिबेनी लगायत बजार क्षेत्रमा पनि सौर्य बत्ती जडान गरिएको थियो ।