पोखरा ।
नरहरि भट्टराईद्वारा लिखित उपन्यास ‘शान्ति’ लोकार्पण भएको छ । शनिबार शुक्ला साहित्य प्रतिष्ठान, बाटुलेचौरले आयोजना गरेको कार्यक्रममा संस्कृतिकर्मी प्राडा कुसमाकर न्यौपानेले उपन्यास लोकार्पण गरे ।

कार्यक्रममा प्रतिष्ठानका वरिष्ठ संरक्षक कुञ्जराज थापा, सल्लाहकार शिव त्रिपाठी, सल्लाहाकार कुलबहादुर खत्री, प्रतिष्ठानका गीता भण्डारी लगायतले शुभकामना व्यक्त गरे । कृतिको समालोचना डा श्रीधर न्यौपानेले गरे । प्रतिष्ठानका अध्यक्ष हरिबहादुर बरुवालको अध्यक्षतामा भएको उक्त कार्यक्रममा साहित्यकार रामप्रसाद पौडेल घर्मेलीले स्रष्टाको परिचय दिए ।

प्रतिष्ठानका सचिव दीपेन्द्र बानियाँको सञ्चालन रहेको कार्यक्रममा स्रष्टा नरहरि भट्टराई तथा उनकी जीवनसाथी ज्ञानु भट्टराईलाई सम्मान गरिएको थियो । भट्टराईका यसअघि पनि कविता संग्रह सहित विभिन्न कृति प्रकाशित भइसकेका छन् ।