पोखरा ।
पोखरा २६ सक्नेरीस्थित रामज्योति माध्यमिक विद्यालयका विद्यार्थीको छात्रवृत्ति प्राइम कमर्सियल बैंकमा जम्मा गरिने भएको छ । ‘विद्यार्थीको छात्रावृत्ति बैंकमा’ कार्यक्रम अन्र्तगत विद्यालय र बैंक बिच सम्झौता भएको छ ।

विद्यालयका प्रध्यानाध्यापक गुमानाथ लामिछाने र बैंकका बुढीबजार शाखा प्रमुख लक्ष्मण कुँवरले सम्झौतापत्रमा हस्ताक्षर गरेका हुन् ।

बालबालिकामा बचत गर्ने बानीको विकास, छात्रावृत्तिको सदुपयोग साथै वित्तीय साक्षरताको अवधारणा विकास गर्ने, अनावश्यक खर्च कटौति गरी उच्च शिक्षामा लगानी गर्ने र अभिभावकको आर्थिक भार कम गर्ने उद्देश्यले बैंकमा बचत गर्न लागिएकाे प्रध्यानाध्यापक लामिछानेले बताए ।

पहिलो पटक खाता खोल्दामा बैंकले खातामा एक सय जम्मा गरिदिने कुँवरले जानकारी दिए । बचतमा उच्च व्याज प्रदान गरिने उनको भनाइ छ ।

कार्यक्रममा विद्यालयका प्राथमिक इन्चार्ज पूर्णिमा गुरुङ र बैंकका सम्पर्क अधिकृत महेशराज देवकोटा, अपरेसन इन्चार्ज जयन्ती गुरुङ लगायत उपस्थित थिए ।