समाधान संवाददाता
पोखरा

लेखनाथ सामुदायिक सेवा केन्द्र एवं प्रहरी सेवा केन्द्रके अगुवाइ र पोखरा ३३ को सहयोगमा गाँजा फँडानी गरिएको छ । तिक्लाङ, लामगादी, मालागिरि, मनियलडाँडा, घर्तीपोखरा, चैनपुर, कालिकास्थान, भगवतीचौतारा, खैरेनी, ठुलढुंगा, बाघढुंगा, तोरीचौर लगायतका ठाउँमा रोपिएका ४ ट्रक भन्दा बढी गाँजा बोटफँडानी गरिएको हो ।

केन्द्रका पदाधिकारीहरु, लागु औषध महाअभियान समितिका पदाधिकारी, प्रहरी, टोलविकास संस्था, आमा समूह, युवा क्लव र स्थानीयवासीको सक्रियतामा गाँजाका बोट फँडानी गरिएको हो । कार्यक्रममा जिल्ला प्रहरी कार्यालय कास्कीका प्रमुख प्रहरी उपरीक्षक दानबहादुर कार्कीले कास्की जिल्लालाई लागुऔषध दुव्र्यसनमुक्त बनाउने अभियानमा साथ दिन आग्रह गरे ।

पोखरा ३३ का वडाध्यक्ष शिवप्रसाद आर्चायले समाजलाई दुव्र्यसनमुक्त बनाउने सवालमा यस्ता अभियानहरुलाई सहयोग गर्न सिंगो वडा संधै तत्पर रहेको बताए । केन्द्रका अध्यक्ष रमेश ओझाको अध्यक्षतामा सम्पन्न कार्यक्रममा कार्यक्रम संयोजक गणेशप्रसाद ढकालले स्वागत र सचिव त्रिलोचन लामिछानेले सञ्चालन गरेका थिए ।