पोखरा ।
पोखरा ९ बसपार्कमा रहेको सहारा बाल आधारभूत विद्यालयका २ जना विद्यार्थीलाई बैकुण्ठ रञ्जितकारले सहयोग गरेका छन् ।

विद्यालयका अक्षयकोष दाता पोखरा रामजार निवासी रञ्जितकार र उनकी धर्मपत्नी पूर्णीमा रञ्जितकारले शैक्षिक सामाग्री सहयोग गरेका हुन् ।

कक्षा ६ का मनिष नेपाली र कक्षा ८ का रविन सुनारलाई कक्षा १२ सम्मको सम्पूर्ण शैक्षिक खर्च व्यहोर्ने उनले बताए । गत शैक्षिक सत्रदेखि विद्यालयमा सहयोग प्रदान गर्न सुरु गरेको बैकुण्ठले बताए ।

उनीहरुलाई विद्यालय पोशाक, झोला, जुत्ता लगायत स्टेसनरी सामान र रेनकोट प्रदान गरिएको थियो । उनीहरुका अभिभावकलाई समेत १र१ थान साडि र सर्ट सहयोग गरेका थिए ।

कार्यक्रममा विद्यालयका प्रधानाध्यापक लोचनाकुमारी अधिकारी र विद्यालयका व्यवस्थापन समिति अध्यक्ष विक्रम थकालिले रञ्जित दम्पतिलाई धन्यवाद व्यक्त गरेका थिए ।